Yemmuger-d Mass Si El Hachemi Assad, amaray amatu n usqamu unnig n timmuzɣa, tanezzayt n wass n wahad 27 ɣuct 2025, deg tesga n usqamu Massen iɛeggalen n uniraw amaynut n tdukla tamgezdut "Thivestis" i yidles d tmagit - Tbessa, aya yusa-d ilmend n tɣimit n umahil ideg i d-ssasnen aneskin n yirmuden yemgaraden n tdukla-nsen ama deg uswir adigan neɣ aɣelnaw, akken i d-wwin awal ɣef yisenfaren-nsen.
I usmekti, tiddukla Tivestis i yidles d tmagit ad tikki deg yirmuden n tesdawit n unebdu n tdukliwin tidelsanin, i d-yessuddes uhanay aɣelnaw n tmetti taɣarimt ara yeldin tiwwura-s ass n sed 30 deg ɣuct 2025 deg taddart n yinaẓuren deg Zeralda.