Asihar agi d win ara d-iḍefren abeddel iḥuzan anegzum aḍeblan d-yellan deg useggas n 1984 a d-yeḍru ass n lexmis 18 meɣres 2021 ɣef 10 deg uxxam n Tnegga n Telɣut Tazzayrit.

Timlilit-a gar tsudwin, ara yesɛun udem ussnan, ad d-tebder tamsalt n usemmi arakal ( neɣ tadegisemt) n temnaḍin n tmurt-nneɣ. imessuddesen ad fersen tagnit n usmil n mraw(10) n tamiwin tidblanin n unẓul ɣer uswir n yigezda s tduba iwatan, wid yuɣalen s wudem unṣib almend n unegzum adelblan aneggaru (furar 2021) iwakken ad skasin tarrayin n usemmi n yigezda-ya imaynuten.

lebɣi d abeggen n telqayt deg umezruy n wadigismen imaynuten ara yettwasmersen deg unẓul n Lezzayer, d ismawen yefkan iẓuran deg umezruy, ara d-ibeggenen assaɣ yellan gar umezdaɣ d wadeg-ines, d wayen akk i as-d-yezzin ama di tmurt-nneɣ naɣ d timura n Saḥel, d iskanen yettwameslen seg yiɣerfan d tutlayin, ideg tella taɛrabt d tmaziɣt aladɣa, s tantaliwin-nsent yemxallafen, yezdin gar igduden, izegren i tlisa, ssemlalent talsa s timmad-is.

tasekta tamagant n yismawen-a unṣiben, inumak-nsen, tira-nsen s tutlayin tunṣibin (Tamziɣt d taɛrabt) d uslugen-nsen s yilugan igraɣlanen n yiwanaken yedduklen ( s yisekkilen n tlaṭinit naɣ irumaniyen) ad ttwasqedcen deg yiwet n tbanka n yinefkan igarwen agimen n yismawen d-heyyan imazzagen izzayriyen.

aswir n uzlag deg tira n yismawen n yimukan d yemdanen izzayriyen yegla-d s uherri n tutlayt yennernan ugar, seld asmiḍen n useddu n tedbelt tadugant, ula d usemres n yal ass.

amek d-yella umsal n yismawen uzzigen izzayriyen deg umezruy? d anti id tutlayin tineɣmarin deg aya ? dacu id igran inamekanen nsent ? zemren inagrawen n tira yettwasmersen deg tedbelt ad d-sneɛten assusru n merra yismawen izzayriyen? amek i nezmer ad d-ssefhem tuggti n tirawin yemxallafen n yiwen yisem uzzig ?  dacu i tagnutin tigraɣlanin deg wayen yerzan tira n tadegisemt ?

ad yessunefk usmendew n tmaziɣt d tutlayt taɣelnawt tunṣibt ɣer yidis n taɛrabt asidef n tanfaliyin tutlayanin d useḍru n wumuɣ unṣib n yismawen n yimukan yuẓan ugar ɣer ussusru yellan di tmetti, ur nettili arAa d aɛewwiq aburukrati ? d anti id tisudwin d-yelhan d-yelhan s tadgisemt taɣelnawt ? Di taggara, anda tessaweḍ tegmi takadimit (tisdawiyin d wammasen n tegmi) deg taɣult n tezrawt n yinagrawen iɣelnawen n usemmi ?

Lezzayer s tehri n wakal-ines, ɣer-s agerruj ameqran n yismawen ara yaweḍen ɣer imelyan n yismawen uzzigen, yerzan iḥricen merra n tudert n waɣlan, teɛna ama d amdan naɣ d tinagrawin tidiganin : asaklas, addad aɣarim, taɣlist taɣelnawt ( taɣarimt d taserdsant), imɣizen, idles, timsal n uzɣar, titikniyin tallunin, tiwaɣiyin tigamanin, amesten aɣarim, tamsulta, tadiwanit, tinaznin d tiliywalin, tinagrawin tidiganin, taɣdemt, amesni…

ɣef aya, deg umḍal merra ad naf rran azal ameqran i ussagnu n tira n yismawen n yimukan, imi yettili-d fell-as lḥers adamsan d tnezzut, d aɣilif n taɣlist, ɣer-s azal di tsertit tarakalt d testratijit, simmal imasayen takken allalen itiknulujiyen atraren ilmend n tezrawt-nsen. aseḍru asewlah adegisem aɣelnaw d tigawt ilmend n tnaya taɣelnawt : ugar n wudem agemmi, ladɣa deg unẓul n Lezzayer, imi d tanfalit taɣerfant. Asewlah-a ad yili d allal i tdamsa d tmmetti, i yidles, d tanfalit n tsertit n uwanek ad yessef asefrek uzzig n waɣiren ilmend n tneflit taɣelnawt timezgit.