Ilmend n usfuggel n yimulliyen n tmenṭṭagin n temnaḍin n Ugafa n Qṣenṭina (20 ɣuct 1955) d win n ugraw n Ṣṣumam (20 ɣuct 1956), asqamu unnig n timmuzɣa, s umtawa akked lwali n ugezdu n Bgayet, ad d-yessuddes asarag amazray s uzwel : « Tasekta taduklant deg usqamu n Ṣṣumam ».

 

Timlilit-a ad tili ass n Wahad 20 deg ɣuct 2025 taṣebḥit, deg tzeqqa n yisaragen n ugezdu n Bgayet, tin ara d-yilin ilmendad-ines Lahcene Zghidi, amsegnu amatu n usqamu n tmektit ɣer uselway n tigduda.

 

Timlilit-a, ad tas deg tizzi tis snatn wahil n tkenwa gar tɣiwanin n Timimun akked Uqbu. Ad tili d tagnit yelhan i usmekti n temlilit-a n Ṣṣumam d wazalen-is iɣelnawen iɣef ters am tɣerɣert tegrawla n uslelli, i yesjehden tadukli taɣelnawt akked tzerfi tamsuddut.

 

Ahil ad ikemmel s tikli n yimekkiyen, seld asarag, ɣer wadeg n Ugraw n Ṣṣumam ɣer taddart n Yifri (taɣiwant n Uwzellagen), anda ara d-yili yibeddi anzamul i usilew n uḥader ɣef tmektit taɣelnawt akked lwajeb n uḥraz-ines.

 

Akkin i tejmilt-a tamazrayt, aneḍruy-a yesɛadaɣen udem asertan n yimir-a : yesmektay-d s ttrika n Usqamu n Ṣṣumam ara yeqqimen d asdag deg ukala n lebni n Lezzayer tamaynutt, yersen ɣef wazalen n tugdut, n tagti akked usijhed n tdukli taɣelnawt.

 

Asqamu unnig n timmuzɣa ad yenced tagruma n yineɣmisen akken ad dlen n tmesbanit-a tamazrayt akken ad ɛiwnen deg usiweḍ n yizen-ines aɣelnaw asduklan ɣer ugdud.