Yemlal ass-a n tleta 16 wembir 2021, Mass Si El Hachemi ASSAD umaray amatu n Usqamu unnig n Timmuzɣa Mass Abdelkader Bendameche, s yisem-is d anemhal amatu n Tnegga Tazzayrit n usenẓr adelsan.

Timlilit-a i deg ḥedren ikataren n snat n tsudwin, tella-d almend n ureṣṣi n wassaɣen tent-yezdin. Tirza n Mass Bendameche tella d tagnit iwakken ad meslayen sin yidisan ɣef wahil n leqdic ara yezdin snat n tsudwin, d ayen ara yettwazemlen deg umtawa ara d-yilin deg aggur n duǧember.

ahil n tigawt ara yezdin snat n tsudwin d wir yerzan ladɣa:

• asuddes n yineḍruyen d tfugliwin tidelsanin timeqranin deg tmurt n Lezzayer d uttkki n wudmawen n yidles yettidiren di berra.
• Attikki n tnegga AARC deg tfugliwin tiɣelnawin tunṣibin n umenzun yennayer 2022/2972 ara d-yilin deg Tamenɣast
• asiẓreg imezdi n yedlisen deg useggas n 2022

Ilmend dɣa n tirza, Mass Bendameche d yikataren d-yeddan yid-s rzan ɣer wadgen yellan deg Usqamu amedya n tzeqqa n yisaragen “Tamaziɣt Tura », akked temkarḍit d tzeqqa n tɣuri.