Ilmend n umulli wis krad n tmerwin n uslali n Usqamu Unnig n Timmuzɣa, ad tili, ussan n 27 d 28 mayu 2025 deg uqusis aɣelnaw n yigen di Bni Messus, yiwet n temlilit taɣelnawt tussnant s yizwel "Asmel n tmaziɣt di Lezzayer deg ukatar n tɣellist tanmagit: asatel, ugzuyen d telkamin-is tiwessenmettiyin akked tsuduyin'".

  

Timlilit-a d tagnit i usekyed n temsal n tmagit taɣelnawt s tarrayt tussnant, ad tessunefk asbuɣer n tmaziɣt s yiwet n tmuɣli yemmeden akken ad tessijhed tadukli timettit. Asentel-a yusa-d daɣen akken ad yennerni umeslay iweznen ɣef tmaziɣt, d uɛiwed usegged n temlilt n yal tasudut i terza taluft n usmel-ines, ara yeddun d wayen i watan i tallit tamirant.

 

 Deg wahil n umyager-a tẓa n yisaragen akked kraḍ n tnemsalin tisentalayin ɣef teɣzi n sin wussan: tasɣimt tamenzut deg wahil ad d-tili ɣef usentel n tmagit, tutlayt d tmuktit, ma d tasɣimt tis snat ad tessenɛet azal n tmaziɣt deg tigti tadelsant akked tneflit timezgit. Tinemsalin tisentalayin ad fken tagnit i tɣuri n yeḍrisen isuḍaf d yiceqqiriwen n tɣellist tanmagit rnu ɣer waya, timuɣliwin ɣef unagraw n uselmed d usileɣ yerzan tamaziɣt.

 

Ass wis sin n uneḍruy-a ad yili i tɣuri n tḥawact n yimahilen n tnemsalin akked yiwellihen imatuyen n umyager-a. Ɣer tama n yisaragen d tnemsalin, ad ilint temzikeniyin ara d-ibeggenen ayen iga Usqamu deg uḥric n usiẓreg d wumḍin, s tikkin n yimesiẓrigen imendiden.

 

Aneḍruy s timmad-is d tagnit i wallus n umyader i usmel d usnerni n tmaziɣt d usdusi n umkan-in deg tmagit taɣelnawt, ad yemmed wazal-is deg yedles d tsuduyin n Lezzayer.