Asebdded n tesqamut n ufran n temzizzelt taɣelnawt " Lezzayer d temsal tiɣedmanin"
Ittekka ass-a n arim 07 yebrir 2025 ugensas n Usqamu Unnig n Timmuzɣa, Mass Zidane Yacine, deg Usqamu Aɣerfan Aɣelnaw deg tfugla n usebded n tesqamut taɣelnawt n ufran n yimuhal n temzizzelt taɣelnawt « lezzayer d temsal tiɣedmanin » deg teẓrigt-is tamezwarut. D Timzizzelt i d-yettwaheyyan s tallelt n yeɣlifen ; n usegmi aɣelnaw, n yemjuhad d wid asen-yesɛan izerfan, idles akked tẓuri ɣer yidis n Usqamu Unnig n Timmuzɣa.
Ad d- nesmekti d akken asebdded n tesqamut-a n ufran, yusa-d seld aberreḥ s wudem unṣib s uslali n temzizzelt-a i d-yellan ass n 16 yennayer 2025, s lmenddad n Mass Brahim Boughali, Aselway n Usqamu Aɣerfan Aɣelnaw anda ḥedren waṭas n yineɣlafen,n y imazanen, imasayen n tsudwin tiɣelnawin gar-asen Mass Si Lhacemi Assad, Amaray Amatu n Usqamu Unnig n Timmuzɣa.
attikki deg temzizzelt-a ad d-yili s snat n tutlayin tiɣelnawin, tamaziɣt d taɛrabt, akked tutlayt taglizit. Ad ttwaznen yimahilen ɣer tesqamut n n usedwel d uselmed akked unadi ussnan n Usqamu Aɣerfan Aɣelnaw, ara d-yelhun s ufran n wid yuklalen arrazen.
-semmus n warrazen ad ttunefken ilmend n « yizzayriyen yellan deg uzɣar” deg lebɣi n usebɣes n yinelmaden izzayriyen yellan di berra akked yiselmaden-nsen.
-Ad d-yelhu Usqamu Aɣerfan Aɣelnaw s usiweḍ ɣer Lezzayer d usensi n yinelmaden d yiselmaden-nsen, ara d-yifriren deg temzizzelt-a.