Asqamu Unnig n Timmuzɣa yesselɣay s tullya n tallit n usiggez, seg 16 mayyu 2024 ɣer 26 yunyu 2024, I uttikki deg tfaska taɣelnawt n tmedyezt tamaziɣt  ara d-tessuddes tiddukla Itri adelsan n Uqbu ddaw leɛnaya n usqamu gar 02 d 04 yulyu 2024 ilmend n tfaskiwin tiɣelnawin n timunet d yilmeẓyen.

Timedyazin d tmedyazin n tmurt-nneɣ iran ad ttikkin deg temzizzelt, yewwi-d ad rzun ɣef uslagan n tfaska d tewtilin-is, ad ɛemmeren taferkit n uttikki ara aznen send 26 yunyu 2024 ɣer contact@hcamazighite.dz akked fnpa2024.aecakbou@gmail.com