Timlilit n umsesten gar Uselway n Usanay aɣelnaw n tmetti taɣarimt d umaray amatu n usqamu Unnig n Timmuzɣa
![](https://hcamazighite.dz/docs/media/media/1/original/433397406-417048820908016-4330743967437354607-n-7702.jpg)
Yemmugger ass-a n Letanyen 18 Meɣres 2024 Uselway n Usanay aɣelnaw n Tmetti Taɣarimt, Mass Noureddine Ben Brahem deg usɣim n tsudut-ines, Mass Si El Hachemi Assad, Amaray Amatu n Usqamu Unnig n Timmuzɣa, akked yikataren n snat n tsudwin.
Ilmend n tirza-ya n yiɛeggalen n Usqamu Unnig n Timmuzɣa ɣer usɣim n Usanay Aɣelnaw n Tmetti Taɣarimt yella-d uskasi n kra n yisenfaren ara yettwaxedmen s umezdi n snat n tsudwin, amedya n usḥulfu n tmetti s wazal n usmatu n uselmed n Tmaziɣt akked usebɣes n tdukkliwin iqeddecen ilmend n usmil n yidles d tutlayt tamaziɣt.
Di taggara n temlilit, mtawan sin yidisan akken ad d-yili deg ussan d iteddun usetnyi ɣef yiwet n temɣunt gar Usqamu Unnig n Timmuzɣa d Usanay Aɣelnaw n Tmetti Taɣarimt ilmend n useḍru n waṭas n yisenfaren d wahilen.