Amaray amatu n usqamu unnig n timmuzɣa mass Si Lhacemi Assad ad yerzu ɣer lwilaya n Tizi Wezu, ass n 16 di Yebrir 2024, iswi n tirza-agi ad yili di lmendad n tmusniwin n uwanak deg uswir adigan iwakken ad yili usmel n tutlayt n tmaziɣt deg yinegrawen n uselmed unnig, n unadi usnan, n usedwel aɣelnaw d teywalt.

Mass Assad Si Lhacemi ad yefk asɣal iwakken ad bdun ussan usnanen, idelsanen d tesnedwelt n lwilaya-agi, ddaw laɛnaya n lwali n Tizi Wezu.

Ahil yesɛa kraḍ n yeḥricen yemxallafen:

1 - Tazeqqa n yisaragen n ummas n wuraren usnanen n yilmeẓyen: Beddu n wussan isnedwalen iɣelnawen ilmend n yimaṣwaḍen yetkeflen s usefqed n tanga n tutlayt n tmaziɣt deg uḥric n usedwel aɣelnaw.

 2- Tasdawit Mulud Mɛemri: Asuddes n wussan ldint tewwura-s  ɣef tmusniwin ilmend n usmel n tutlayt n tmaziɣt deg tmurt-nneɣ, ilmend n umtawa ger usqamu unnig n timmuzɣa akked tseddawit Mulud Mɛemri Tizi Wezu.

3-Radio Tizi Wezu: tuddsa n tmelilit akked tɣamsa tadigant.