Ilmend n wahil n teẓrigin-is n useggas n 2024, yessuffeɣ Usqamu Unnig n Timmuzɣa adlis-is wis 6 seg-mi yeldi useggas tiwwura-s, s yizwel “ Aɣlan d yismawen: Amzruy n Lezzayer s yismawen-is imaẓlayen » n Prufisur Farid BENREMDANE, aselmad mandi asdawan amuzzag n tesmisant.

Amaru s udlis-a ira ad yesleḍ anagraw azzayrri n tesmisant, s tezrawt n wugar n 3000 n yismawen iamẓlayen yettwasmersen deg tmurt n Lezzayer merra, yellan d inagan n telqayt n umezruy-nneɣ. Tasleḍt n yimawen-a imaẓlayen, am wakken t-id-ibeggen umaru deg tezwart-is ad yessunefk asegzi n tikti n Lezzayer d Aɣlan yegren irebbi I tarwa-s, ad tili s timmad n wakal-ines, s yisem-is d Lezzayer ad tezgu d aḥulfu yesdukkulen s tizzayrit.