ilmend n wahil n teẓrigin n usqamu unnig n timmuzɣa n uzgen n useggas-a 2021, ffɣen ɣer teẓrigin n usqamu imira sḍis(06) n yedlisen imaynuten yerzan tigemmi taseklant tamaziɣt. idlisen-a d taḥawact n umahil lqayen yettwaxedmen ilmend n uḥraz n tgemmi, yettwarun s tantaliwin n tmaziɣt, rnu ɣer-s yella-d umahil n tsuqilt n yeḍrisen-a d usrusu n usekles imesli.

idlisen-a imaynuten d :

1-aḥric amezwaru n tsuqilt n leqran ɣer tmaziɣt « Ḥizb ssabiḥ » yettwaxedmen ilmend n ugraw n umahil d-yellan akked uɣlif n tesreḍt d lewqaf.

2-amud n ccnawi iɣelnaẓriyen s tmaziɣt n Mohamed idir At Amrane, d iḍrisen yuran d tsuqilt-nsen ɣer taɛrabt d tmaziɣt. amahil-a yella-d s lmenddad n Mass Si El Hachemi Assad.

3-kuẓ (04) n tenfusin s tmaziɣt, n temnaḍin n Icenwiyen, n wawras, d tmurt n leqbayen, s tantala n yal tamnaḍt. D iḍrisen yettwasuqlen ɣer tutlayin yemxallafen, am akken ttwaskelsent tenfusin-a ṣ yimesli.