Deg unezgum-agi n tmettant n ucennay Yidir, 

Amaray amatu n Usqamu Unnig n Timmuzɣa yuzen aɛezzi-ines i twacult n ucennay d twacult n yinaẓuren, yetter deg Ṛebbi rreḥma d talwit i yiziɣer-is, ncallah iɣsan-is di lǧennet. 

 

Asqamu Unnig n Timmuzɣa yerra azal i tektut n ucennay  Yidir, netta yellan d udem seg wudmawen n uẓawan azzayri i d-yufan amek ara yeg azal i ugerruj n ccna n teqbaylit umi yefka udem agraɣlan. Tizlatin-is ''A baba-inu, ba" d "Ssendu"... ad qqiment i lbda ur ttmettatent, yis-sent ad neḍmen tudert d unerni n   tutlayt n Tmaziɣt deg tmurt n Lezzayer tamagut.