Muḥamed Ḥilmi deg useggas n 1931 deg tama n Uẓeffun, mi yewweḍ 17 iseggasen  yudef ɣer unnar n tẓuri s uttikki-ines deg terbaɛt n Upera n Lezzayer yessedday di tallit-nni Maḥyeddin Becṭarzi, syin akkin, Muḥamed Ḥilmi yekcem ɣer Radyu taɣelnawt ɣer yidis n Riḍa Falaki. Amecwar n unaẓur-a d win d-yufraren ɣef wiyyaḍ,d amseḍru d medyaz, ɣer-s ugar n 800 n tceqqufin s teqbaylit akked taɛrabt, aṭas deg-sen d asmezgi n tmezgunin n Molère d Shakespeare d Dumas.. d wiyyaḍ nniḍen, am akken yura azal , kuẓ n tmesrayin s uẓawan, yessuli azal n 30 isuzzzzra gar iwezzlan d ilemmasen, d waṭas n turarin timezgunin s uẓawan. Muḥamed Ḥilmi yessuffeɣ-d daɣen azan 10 isura iɣezzfanen. d 06 isura nniḍen yura akked wiyyaḍ, gar-asen asaru Lwelf Ṣɛib. gar imahilen-ins mucaɛen di rradyu, tadwilt yessuli akked Ɛli Ɛabdun, d Rwiced d Ccix Nuredin. ɣer tama n waya, leqdic n Muḥamed Ḥilmi d win yeṭṭuqten deg unnar n ccna, imi yura ugar n 70 n tezlatin, azal n 30 gar-asen n teḍsa d unecraḥ, d tid yessekles di rradyu akked ɣef iḍebsiyen.