Amaray Amatu n Usqamu Unnig n Timmuzɣa Mass Si El Hachemi Assad akked d Mass Yusef BECLAWI Lwali n Ugezdu n Tlemsan llan-d tasebḥit n wass-a 02 ɣuct 2026 deg usɣim n Ugezdu n Tlemsan, ilmend usebded n tesqamut, yettukelfen i uheggi n Usfugel Aɣelnaw n Yixef n Useggas 2977- 2027, ara d-yeḍrun deg Ugezdu n Tlemsan, d uheggi n Tezrigt tis 07 n Warraz n Uselway n Tigduda i Tsekla d Tutlayt nTmaziɣt.

Amaray Amatu n Usqamu Unnig n Timmuzɣa yefka-d aɣawas s telqayt ilmend uheyyi i tedyant-a, anda i d-yessekfel azal i yefka uwanek i usnerni n tutlayt n Tmaziɣt, Ɣer tama n wahil i d-yettwasumren akked leqdicat idelsanen, ussnanen akked tẓuri i d-yettwasuddsen. Yerna-d d akken Ahil n usfugel ara d-yilin ass n 10 ar 12 yennayer 2027, ad d-yeglu s temlilit tussnant, Acegger aɣerfan, ulzuz n yennayer, akked leqdicat i d-yettwabedren i yinelmaden, Ugar n leqdicat deg tɣiwanin yemgaraden n tmurt, Am wakken ad-yili uttekki meqqren deg leqdicat idelsanen d yisdawanen d yimnadiyen di

Tezrigt tis 07 n Warraz n Uselway n Tigduda i Tsekla d Tutlayt nTmaziɣt, ilmend iwellihen n Uselway n Tigduda.

Yessegza-d dakken allalen akk ilaqen ad illin s udukkel n Mass lwali Ugezdu n Tlemsan d yegzumen terza temsalt, i wakken ad tɛeddi tedyant -ayi taɣelnawt i d- heggan di tegnatin igerrzen s ddaw uzwel : Yennayer….. D asmekti i yesduklen d tmurt i d-ijemmɛen », D ayen i d-yesbanen azalen n tdukli taɣelnawt d tenḍa tadelsant i yessemgarden lezzayer

Mass Lwali yefka-d azal i teflest i d-Yewwi ugezdu n Tlemsan deg ufran-is i wakken ad d-yelhu s tedyant-agi taɣelnawt, iwekded d akken Ilaq ad yesseqdec akk tawilat ilaqen iwakken ad tɛeddi di tegnatin igerzen, ilmend n wazal yefka uwanek i usmel n Tutlayt n Tmaziɣt imi d aḥric seg tmagit taɣelnawt.

Di taggara, yeldi-d awal, yesmeḥses i wayen i ten-iceɣben d wayen i d-ssumren yimttekkiyen, Uqbel ad d-yefk Mass Lwali amazrar n tenmehliwin d yiwellihen i d-yettwabedren i beddu din din n useḍru n uɣawas n uxeddim ilmend n uwitay usdid, i lmend n uheyyi yelhan i uzemz-a aɣelnaw.