ALΓU

 

 Iwekked-d Mass aselway n tegduda s usterḥeb-is s tlalit n waraz n "Uselway n tegduda n tsekla d tutlayt tamaziɣt", aya yella-d ilmend n umulli wis snat n tmerwin d semmus (25) n tlalit n Usqamu Unnig n Timmuzɣa.

 

Iswi n waraz-a d asebɣes n unadi d usnulfu i d-yufraren i yettwaxedmen deg yiswi n usnerni n tutlayt n tmaziɣt akked leqdic ɣef uzuzer-is d tneflit-is, ama s yigiten i yemmugen s tmaziɣt neɣ wid i d-yettwasuɣlen ɣur-s.

Deg ussan i d-iteddun ad ttwasersen walugen ara d-yesbinen tiwtilin n uttekki ilmend n waraz d wamek ara d-yili uktazal n yigiten yettekkin sɣur tasqamut n yinezurfa d wazal n tedrimt ara s-yettunefken.