Asqamu Unnig n Timmuzɣa ad iberreḥ s beddu n teẓrigt tis 3 n warraz n uselway n tegduda n tsekla d tutlayt n tmaziɣt. Asiggez yeldi seg 26 yunyu ar 26 wember 2022.

Attikki deg warraz ad yili s ubrid n usiggez ɣef sit anternet arraz.hcamazighite.dz, timzizzelt terza tismilin n tesnilest, tasekla d tasuqilt, anadi deg tgemmi tarangant n tmaziɣt, d tussna tatiknulujit d wumḍin.

Iwakken ad d-ibeggen udem aɣelnaw n tmaziɣt, asqamu Unnig n Timmuzɣa, yezgan iqeddec deg tɣemmar n tmurt meṛṛa, yefren ad termes Temnaḍt n Tɣardayt tafugla tunṣibt n tukci n warrazen n teẓrigt tis 3, ilmend n tmeɣra taɣelnawt tunṣibt n umenzu n yennayer 2973/2023.