Amaray Amatu n Usqamu unnig n Timmuzɣa, Mass Si El hachemi ASSAD akked yiwet n tmagla gan ass-a n Arim 28 Duǧember 2020 yiwet n tirza n umahil ɣer ugezdu n Ɛin Timucent iwakken ad rzun ɣef waddad n usma d usmatu n tutlayt tamaziɣt deg sin yinagrawen n usedwal akked talɣut di tamnaḍt-a.

ilmend n tirza-ya, ad yeg yiwet n temlilit n umahil d uciwer ad yimgensasen idiganen I tigzi n wuguren d yiɣilifen d-yettmaggar uselmed n Tmaziɣt di kra n yiɣerbazen. ad d-tass syin akkin tirza ɣer yiwen uɣerbaz amenzu deg ugezdu-ya n Ɛin Timucent.

deg idis-nniḍen, tagnit-a tettunefk i umaray amatu ad yeẓẓunẓu asebddad n ugellid Sifaks, d asenfar yettwaxedmen s tedrimt n ugezdu n Ɛin Timucent, yusa-d d asnas n yiwen seg yiwellihen n temlilit tagraɣlant «  Tagelda n yimasisiliyen : Sifaks d ugraw n Siga 206 stsɛ » yessuddes Usqamu Unnig n Timmuzɣa gar 22 d 24 Ctember 2018. Tirza nniḍen tella-d ɣer temnaḍt n Beni Ṣaf, anda yesla Umaray Amatu i yiwen uneskin ɣef tɣarma tanumidit. ɣer taggara n tirza teḥder tmagla i yiwen wwahil adelsan deg tzeqqa n uslaya asenziki n Ɛin Timucent.

Ahil n Tirza n Umaray Amatu ad ikemmel azekka ideg ara d-tili yiwet n temlilit akked tɣamsa, ad d-yemslay deg-s ɣef usuddes n tfugliwin tiɣelnawin tunṣibin n umenzu n yennayer 2971 ara d-yilin deg Tbatent seg 08 ɣer 12 yennayer 2020, am akken ara d-yefk kra n yisalan yerzan tafugla n tikci n warraz n uselway n tegduda n tsekla d tutlayt tamaziɣt.