Tella-d tanzayt n wass-a 15 di Furar 2022 di tzeqqa n Ɛisa Mesɛudi deg uxxam n Rradyu taɣelnawt, s lmenddad n Mass Mohamed BOUSLIMANI, Aneɣlaf n Teywalt, Mass Si El Hachemi ASSAD, Amaray Amatu n Usqamu Unnig n Timmuzɣa d Mass Mohamed BAGHALI, Anemhal Amatu Rradyu taɣelnawt d leḥdur n Mass Raouf MAMMERI, Anemhal Amatu n Usemmas Agraɣlan n Tɣamsa, tafugla n uciri unṣib n tɣerɣert tumḍint « Taɣamsa / ثاغامسا », yerzan tamawalt ssemrasen ineɣmasen deg taywalt d tɣamsa.

Aneɣlaf n teywalt deg wawal-is ilmend n yfugla-ya ibeggen-d tiɣerɣert-a d allal s wazal-is ara yilin ilmend n yineɣmasen, am akken d-teskanay amahil imezdi ger tsudwin n uwanek ilmend n usnerni n tmagit taɣelnawt deg taywalt di tallit ideg aḥric-a yettidir tignatin ideg tegget umyizwer s tutlayin yemxallafen. Mass Si El Hachemi ASSAD, s yisem-is d Amaray Amatu n Usqamu Unnig n Timmuzɣa iwekked-d ɣef wazal tesɛa tɣerɣert-a d-yellan seld amtawa yellan ger Usqamu Akked Termist n Rradyu Taɣelnawt. Amaray Amatu yenna deg wawal-is d akken Adeg-a amaynut ad yili ilmend n kra uneɣmas iran ad yessemres Amawal imezdi ara yesduklen merra tantaliwin n tmaziɣt. Deg tama-s, Anemhal Amatu n Rradyu Taɣelnawt ibeggen-d ɣef tumert-is s useḍru n usenfar-a n tɣerɣert “Taɣamsa” seld kra n wayyuren kan seg-mi bdant tsudwin n Rradyu akked Usqamu deg ahil iɣef mtawan, yenna ad tili d allal ger ifassen n yineɣmasen n rradyuwat n temnaḍin.

I usmekti, tiɣertɣert ad tili d tin yeldin I win yebɣan ad yerzu fell-as ɣef tansa taghamsa.hcamazighite.dz