Ad yettikki Usqamu unnig n Timmuzɣa, seg 10 ar 17 furar 2025, deg Tmesrit Taɣelnawt n udlis n Wehran, ar d-tessuddes Tnegga tazzayrit n usenẓr adelsan (AARC) ddaw leɛnaya n Uɣlif n Yidles d Tẓuri. Tamesrit-a d tin ideg yikkint aṭas n tsudwin d teẓrigin tiɣelnawin.

Tikkin n Usqamu unnig n Timmzɣa deg temsrit-a ad tili d tagnit i yimerzan ad issinen, ad rzun ɣef ugar n 100 n yizwal I d-yessuffeɣ deg yiseggasen-a ineggura.

Ilmend n temsrit-a daɣen, ad d-yawi umaray amatu n Usqamu unnig n Timmuzɣa, Mass Si El Hachemi ASSAD, ass n 12 furar 2025, yiwen n usarag ɣef usentel “Asmil n tmaziɣ s tawil n usiẓreg d udlis: tirmit yufraren n Usqamu Unnig n Timmuzɣa”