Asqamu Unnig n Timmuzɣa, ad d-iberreḥ s tulya n ujerred i uttekki deg teẓṛigt tis semmus(05 n warraz n Uselway n Tegduda i Tsekla d Tutlayt n Tamaziɣtseg wass n 08 yulyu ɣer 10 duǧember 2024.

Wid d tid yebɣan ad ttikkin yewwi-d fell-asen ad rzun ɣef tɣerɣert tumḍint www.arraz.hcamazighite.dz ideg ara afen aslagan I d-yettbegginen tiwtilin d tsekkirin ara ḍefren deg umyezwer.

Tamawt, tiɣri-ya n uttekki tusa-d seld asebdded n tesqamut n ufran tamaynut yesdukklen tantaliwin yemxallafen n tmaziɣt, yal yiwen s tizemmar-ines tussnanin. Amaynut seg teẓrigt-a d afellan, attekki deg warraz yettunefk i yal yiwen d yal yiwen, war talast n usemmad, ula d wid yellan ddaw n 20 iseggasen, aya ilmend n tanaḍt uṭṭun 57-24 d-yeffɣen di 11 raǧeb 1445 seg 23 yennayer 2024, yettubeddlen yettujemlen i tanaḍt taselwayant uṭṭun 228-20 d-yeffɣen di 29 di lḥiǧa aseggas n 1441 seg 19 ɣuct 2020.

I usmekti, Arraz n Uselway n Tegduda i Tsekla d Tutlayt n Tmaziɣt ad yettunefk i yimahilen ara d-yifriren deg tsemilin n Tsekla, Tansilest, Tigemmi tarangawt akked Tatiknulujit d wumḍin, s wazal n tedrimt ilmend n tfugla tunṣibt i d-yemmezgen d tmeɣra n umenzu n yennayer 2975/2025.