S tinnubga n Unemhal n Tesdawit, Ilmend n umulli wis 28 n uslali n Usqamu Unnig n Timmuzɣa, Ad yili Mass Si El Hachemi Assad, Amaray Amatu n Usqamu, Ass n sed 27 Mayyu 2023, d inebgi n Tesdawit Abu Bakr Bekaid n Tlemsan, ɣef 09 :30 deg tzeqqa n yisaragen n tesga n tussniwin n ugama d lqaɛa d usedday.

Di tegnit-a ad d-yuɣal Umaray Amatu n Usqamu ɣef 28 iseggasen d leqdic d yirmad deg unnar I usdusi n temkant n tutlayt d yidles n tmaziɣt di Lezzayer d wussisen yettwaxedmen deg taɣult-a akken ara d-yefk aɣawas n leqdic n Usqamu deg yimal deg wayen yerzan asmil n Tmaziɣt d tmagit taɣelnawt.

Timlilit-a ad tili daɣen d tagnit i usissen s tsuffaɣt timezdit tamaynut n Usqmau Unnig n Timmuzɣa Akked Tesdawit n Tlemsan I d-yewwin arraten n temlilit tussnant taɣelnawt « Tamaziɣt deg yimenzayen  n waɣlan d teɣlist n tmurt d tdukli taɣelnawt » yettwasuddesen ussan n 21 d 22 furar 2023 deg Tlemsan ilmend n usfugel n wass Agarɣlan n tutlayat tayemmat d yimalas n tutlayin tifriqiyin.