Asqamu Unnig n Timmuzɣa yesselɣay d akken armas n yisutar n uttikki deg teẓrigt tis snat n warraz n uselway n tegduda n tsekla d tutlayt tamaziɣt ad yili seg 27 mayu ar 4 ɣuct 2021. Wid Iran ad ttikkin deg warraz-a,  ɣursen 70 n wussan iwakken ad jerreden ismawen-nsen ɣef tɣerɣert taliktrunit yellan i-lmend n temzizzelt-a: www.arraz.hcamazighite.dz
 
Wid terza temsalt zemren ad ɣren ɣef tɣerɣert taliktrunit tiwtilin n uttikki deg warraz-a i ɣef tella di lmendad terbaɛt n yiselmaden isdawanen d imnadiyen deg tsekla d tutlayt tamaziɣt, d wid iɛemren tasqamut n yinmaggalen n warraz. D nutni ara d-yelhun s ufran n yimahilen ara d-yifriren deg teẓrigt n 2021.
 
Ad d-nesmkti d akken arraz-a yella-d almend n tanaḍt tiselwit Uṭṭun 20-228 n 19 ɣuct 2020, iswi-s d assebɣes tagmi d usnulfu ara yesbuɣren Tafarsit s tutlayt tamaziɣt d tikci n wazal i wayen yettwaxedmen deg tussna d tsekla tamaziɣt s tantaliwin-is yemxalafen. Rnu ɣer waya, iswi n warraz d astan n yizerfan n umeskar d usnulfuakked uḥraz n ugerruj n yidles amaziɣ s umata, akken ad t-id-neǧǧ itsutwin d-yettnkaren imi d ayen yezdin izzayriyen meṛṛa.
 
Tafugla n tukci n warrazen deg tedwilt-is tis snat ad tili ilmend n tmeɣra n umenzu n yennayer d-yettmezgen ass n 12 janvier yal aseggas. I useggas n 2022 d tamnaḍt n Tamenɣast i yettwafernen ad tger irebbi i tfugliwin tiɣiwanin tunṣibin n "Amenzu n yennayer" 2972.