Tella-d tanezzayt n wass-a n Aram 17 yulyu 2025 deg uɣlif n temsal n uzɣar, yiwet n temlilit n umsesten gar Mass Sofiane Chaib, Amaray n uwanak i d-yelhan s yiminigen akked Mass Si El Hachemi ASSAD, Amaray Amatu n Usqamu Unnig n Timmuzɣa.

Deg temlilit-a, sin imasayen sqerdcen tiktiwin ɣef iberdan n umedhel d umtawa I d-yewwi ad d-ilin gar sin yidisan, ilmend n yiwellihen n uselway n tigduda yerzan asikki n yiminigen  deg yineḍruyen iɣelnawen unṣiben.

Seg tama-s, Amaray Amatu n Usqamu Unnig n Timmuzɣa yefka-d tamuɣli n Usqamu deg wayen yerzan irmad d wahil ara yernun afud I wassaɣen n yiminigen-nneɣ akked tmurt-nsen d usdusi n tikkin-nsen ɣer tmagit taɣelnawt tasduklant. Am wakken i d-yesmekta s temlilt n tgensastin tiduplumasiyin tiɣelnawin deg uzɣar deg wayen yeɛnan amedhel I lafyda n yiminigen-nneɣ, ladɣa s usebɣes-nsen i tikkin deg temzikeniyin d yineḍruyen idelsanen, akked yirmad iseklanen amedya n warraz n uselway n tigduda n tsekla d tutlay tamaziɣt.