Ad yettikki Usqamu unnig n Timmuzɣa, seg 17 ar 24 yebrir 2025, deg Tmesrit Taɣelnawt n udlis deg Tmanɣast, ar d-tessuddes Termist Taɣelnawt n Tẓuri tudlift (ENAG) ddaw leɛnaya n Uɣlif n Yidles d Tẓuri. Tamesrit-a d tin ideg yikkint aṭas n tsudwin d teẓrigin tiɣelnawin.

Tikkin n Usqamu unnig n Timmzɣa deg temsrit-a, ɣer yidis n teẓrigin n nniḍen ad tili d tagnit i yimerzan ad issinen, ad rzun ɣef ugar tegrumma n yedlisen I d-yesuffeɣ deg yiseggasen-a ineggura, ad gzun s yirmad-is ilmend n tmaziɣt.

Ilmend n temsrit-a daɣen, ad d-yawi umaray amatu n Usqamu unnig n Timmuzɣa, Mass Si El Hachemi ASSAD, ass n 21 yebrir 2025, yiwen n usarag ɣef usentel “Tamaziɣt gar uɣerbaz, tasdawit, taywalt d usiẓreg: almend n tseṭratijit yemmeden n usmel d usekrazal”.