Asqamu Unnig n Timmuzɣa, ad d-iberreḥ s tulya n ujerred i uttekki deg 
teẓṛigt tis ṣa 07 n warraz n Uselway n Tegduda i Tsekla d Tutlayt n
Tamaziɣt, ara d-yilin seg wass n 07 yulyu ɣer 07 wamber 2026.
Wid d tid yebɣan ad ttekkin yewwi-d fell-asen ad rzun ɣer tɣerɣert
tumḍint www.arraz.hcamazighite.dz ideg ara yafen aslagan i
d-yettbegginen tiwtilin d tsekkirin ara ḍefren deg umyezwer.
Attekki deg warraz yettunefk i yal yiwen d yal yiwet, war talast n
usemmad, ula d wid yellan ddaw n 20 iseggasen, aya ilmend n yilugan d
yeḍrisen-ines imsuddsen. I usmekti, Arraz n Uselway n Tegduda i Tsekla d
Tutlayt n Tmaziɣt ad yettunefk i yimahilen ara d-yifriren deg tsemilin
n:
Tasnilest, Tsekla yuran s tmaziɣt d tin d-yettwasuqlen ɣer-s, Inadiyen
deg tgemmi tadelsant timawit n tmaziɣt, Inadiyen deg tussniwin
titiknulujiyin d wumḍin; s wazal n tedrimt ilmend n tfugla tunṣibt ara
d-yemmezgen d tmeɣra n umenzu n yennayer 2977/2027, ara d-yilin deg
ugezdu n Tlemcen.