Ɣer tagara n usfuggel n wass agerɣlan n tutlayt n tyemmat, d yessuddes Usqamu Unnig n Timuzɣa, ass n 21 Furar 2024, di Tesdawit Lɛarbi Ben M’hidi n Um Lebwaqi, ddaw laɛnaya n uneɣlaf n Uselmed unnig d unadi ussnan, d taggazt n Lwali n ugezdu n Um Lebwaqi, seld inehlan d tamiwin n imekkiyen di temlilit yewwin azwel : “Tamaziɣt deg Unagraw n Uselmed unnig d unadi ussnan; iseḍṛuyen d yigliyen”. Wid ittekkan mezgan-d ɣef iwellehen-a ara yawḍen ɣer tisudda i d-yelhan d taɣult-a.

-1- Tifrat n iɣeblan d itt-maɛṛiḍen i useddu n unadi deg uswir seld-afesnan i wakken ad wɛun inelmaden d imnadiyen ad kfun ikatayen nsen deg akud ilaqen akken ad-tewlen i lexṣas i d-yeḍḥan deg usegrer n tudsiwin tisdawanin timuzzag di tutlayt d yidles imaziɣen d ayen ara d yeglu-n s uberrez n  isenfar iḥebsen acḥal uya, am tulya n ugezdu di tesdawit Hassiba Ben Bouali di Chlef d wayeḍ deg Uɣerbaz Amagnu Unnig n iselmaden n Ouargla.

-2- Tikci n Tagda tasuft i usmuzzeg di tutlayt d yidles n tamaziɣt di temzizzelt n duktura, i wakken ad wɛun inelmaden ad ten-id-saḥen imukan usegmi di yal tantala n tmaziɣt i lmend n usaḍuf usemsiwi d umatawa ger imdanen.

-3- Asali n uzadur n yifeska aɣiwan s tawil n tɣerɣert tumḍint ara yilin i lmendad i taɣulin n tutlayt d yidles amaziɣ s ddaw laɛnaya n uneɣlaf n usegmi unnig d unadi ussnan.

-4- Asteklef s tidet s usured n umawal deg allal n usegmi d usedwel di yal  asuday d agezdu n tutlayt d yiles amaziɣ.

-5- Aǧabi n tagdiwin i usembiwel n wayen ikersen yeḥbes d dukkel d yal asnidi di taɣult n tutlayt d yidles amaziɣ, s uberreḥ n igemmaḍ yellan akken ad ten-wali-n diɣ aten-sxedmen s kra n wid taɛna temsalt-a d useddu n kra-da di uḍṛiq n uwanek i usebɣes n tdamsa n tusna d tudsiwin timaynutin.

-6- Awufan asuget seg temliliyin am tigini sɣur Usqamu unnig d timuzɣa imi  isdukulent akken tfaṛs(ent tagnitt i uḍili ɣef tidmi n wiyaḍ d wayen d ewwin i yimahilen ɣef msegzan d usali n inemmalen d isebdad n waktazal d usihel n teɣsurin i ktili n wayen iddan deg umahil i usennerni d usemɣer n tɣara n usegmi d usedwel n tutlayt tamaziɣt.