Mass Si El Hachemi ASSAD, Amaray Amatu n usqamu Unnig n Timmuzɣa,
yettiki ass-a 15 Ctember 2021, s yisem-is d amaslaḍ amanay deg
tesqamut n tutlayin izegren I tlisan Tkadimit tafriqit n Tutlayin, deg
imahilen n tnemsalt n uheggi n yiwet n tɣerɣert tumḍint ara teg
ACALAN. timlilit-a tella-d s tawil n internet.

Ahil n Temlilit-a ideg ttikkin aṭas n yimuzzag, imnadiyen d yimasayen
n tsudwin tiɣelnawin, yezzi ɣef yisaragen ussnanen itikniyen yerzan
asemres n wegbur atiknuluji d usemḍen n tutlayin n tefriqt.

Imettikiyen deg temlilit-a sqerdcen timsal yerzan asemres yelhan n
wallalen n taywalt d ugtelɣu, amedya n rradyu, tilibizyu, iblugen d
wadeg internet s umata..atg, ilmend n usishel n taywalt d umeslay gar
yegduden d yidelsan yemxallafen akked uḥraz n kra n tutlayin n tefriqt
iteddun ɣer nnger.

Takadimit Tafriqit n Tutlayin tsebded yiwet n tesqamut titiqkikt, ara
igen ahil n leqdic yerzan laɣa Tiɣerɣer taliktrunit beddema n
tutlayin tifriqiyin. Allal-a d win ara d-yuɣalen s wazal i usmil d
uḥraz n tutlayin, ad yefk tayet I tsudwin iqeddecen deg taɣult-a.