Asqamu Unnig n Timmuzɣa yessufeɣ-d

sin (02) yidlisen imaynuten

Ilmend n wahil n teẓigin n useggas 2020, Asqamu Unnig n Timmuzɣa yessufeɣ-d imir-a sin n yidlisen s tmaziɣt (tantala n temnaḍt n At Ḥuwa deg Ugezdu n Clef).

Adlis amezwaru d ammud n yisefra "Awal d aqeddud" n unaẓur Maḥfuḍ Uḥuwa, wis sin d tanfust "ḥiḥla n yinsi" ara yilin di telkensit "Timɛayin" ddaw tecḍaḍt n Mass Lyazid Ulḥa. Imahilen-a llan-d seld amtawa yezdin Asqamu Unnig n Timmuzɣa akked tdukliwin "Numidya" n Wehran d "Tifawin" n Clef.

Iswi agejdan n leqdic-a d aḥraz n tgemmi timawit tamaziɣt iteddun ɣer nnger.

Deg useggas-a 2019/2020, uggten yimahilen n tira s tmaziɣt  ama deg wayen yerzan ungal, tinfusin neɣ iwfusen ididaktiyen i ulmad n tmaziɣt ula s lebray (le braille).

Ihi deg waya, Asqamu Unnig n Timmuzɣa yessuffeɣ-d acḥal d adlis deg waṭas n taɣulin ideg llan warraten n temliliyin tussnanin, imahilen n yimciwren d tezrawin tikadimiyin ladɣa asuneḍ n tesniram d uslugen-nsent d yedlisen i uselmed n tmaziɣt.

Asiẓreg imezdi gar Usqamu Unnig n Timmuzɣa akked teẓrigin nniḍen yennerna ugar, d win d-yettilin akked teẓrigin tinagdudin neɣ tusligin, neɣ ula d tnegga tazzayrit n yisallen (APS).