Asqamu Unnig n timmuzɣa yerra-d i tiɣri n tfaska tuṛufit tagrigit talatinit, iwakken ad d-tili tɣuri tanagdudt n yeḍrisen n « Asnus n wureɣ, naɣ tinfelɣiwin » n umyaru n ungal amnzu deg umezruy, Afulay.
Asqamu Unnig n timmuzɣa yerra-d i tiɣri n tfaska tuṛufit tagrigit talatinit, iwakken ad d-tili tɣuri tanagdudt n yeḍrisen n « Asnus n wureɣ, naɣ tinfelɣiwin » n umyaru n ungal amnzu deg umezruy, Afulay. Aneḍruy-a ad d-yili ass n 27 meɣres 2020.
Ilmend n waya, Asqamu unnig n Timmuzɣa ad d-yermes tirebbaɛ n yimeɣriyen iran ad ikkin-t deg ahil-a, ad asen-yeffk tagnit ad gen taɣuri n kra n yeḍrisen ara d-fernen seg udlis, s tmaziɣt, s taɛrabt d tefransist. Tigawt-a ad d-tili ass n 26 Meɣres 2020 deg tnedlist Mediabook n termist taɣelnawt n tẓuryin n usiẓreg (ENAG), deg uxxam n yilmeẓyen n At Wasif (Tizi wezzu), deg tmekarḍit n tẓuri tanagdudt n At Snus (Tlemsen) akked umezgun aglis n Mdawruc s tallelt n tenmehla n yidels n Suq ahras.
Aneḍruy-a ad yettwasekles deg tbidyutin ara yettwazzuzren deg yiwen wakud akked d temliliyin nniḍen n tɣuri ara d-yeḍrun deg umaḍal ass n 27 Meɣres 2020 ɣef 10 :00.
Iswi n uneḍruy-a d uzzuzer n tbidyutin-a d asemlili n tmuɣliwin d tidmiwin I uṛessi n wassaɣen gar yedlisen d yiɣerfan yesɛan iswi n umdaddal n tikta ɣef tigemmi-a taseklant tagejdant.
I ugar n yisallen :
