Ilmend n wass aɣelnaw n udlis d tnedlist i d-yettilin ass n 07 yunyu yal aseggas, amaray amatu n Usqamu Unnig n Timmuzɣa ad yexdem tirza n umahil ussan n 06 d 07 yunyu 2024 ɣer ugezdu n Illizi deg wahil n usfugel n wass-a yessenṣeb uselway n tegduda Ilmend n tanaḍt n tselwit uṭṭun 21-250 n 22 cewwal 1442 d-yemmezgen d 03 yunyu 2021.

Tamagla n Usqamu Unnig n Timmuzɣa ad tebdu tirẓa s tullya n ufsar n yedlisen d usliẓri s tmaziɣt akked temzikent nniḍen n yedlisen n umezruy i d-ihegga Uɣlif n yemjuhad. Ahil ad ikemmel s usenɛet n yiwen usaru s yizwel « Ag Bekda…tafukt n Azjer », i d-yesseḍra Uɣlif n Yemjuhad.

Deg wass wis sin n tirza-ya, Amaray amatu ad yili d lmenddad ɣef kra n yirmad ilmend n usfugel-a, ad yawi asarag ɣef wussisen n uwanek ilmend n usmil n tɣuri d usiẓreg n yedlisen n s tmaziɣt di Lezzayer, am akken ara yeg timlilit akked tdukliwin d tuddsiwin n tmetti n ugezdu n Illizi.

Ɣer Taggara n tirza-ya n umahil, ad tuɣal tejmilt I yiselmaden n tmaziɣt deg ugezdu n Illizi, ilmend n tmeddit n tsekla d tẓuri s wahil n uẓawan dccna. i d-thegga s ddma tiddukla Tadukli i usmil n wassaɣen ger yilmeẓyen n Illiz.