Tanzayt n wass-a n Umhad 25 ɣuct 2024, yemmuger Umaray Amatu n Usqamu Unnig n Timmuzɣa Mass Si El Hachemi ASSAD, Aselway n Tesbeddit Ilmeẓyen n Lezzayer, Mass Tedj Eddine Bouhreira.

Ilmend n Temlilit-a i ḥedren ikataren n Usqamu Akked wid n tesbeddit, yella-d uskasi ɣef yiberdan n usdusi n umɛiwen gar sin yidisan ladɣa deg wahil n Usqamu yerzan tallelt i tdukliwin iqeddecen ilmend n usmil n tɣermi d tmagit taɣelnawt akked tutlayt d yidles n tmaziɣt.

Tirza-ya tella d tagnit i yikataren n tesbeddit ad rzun ɣef yimeẓla n Usqamu d wadgen yellan, amedya n Tnedlist tabaɣurt s teṛcibin-is d yedlisen-is. 

Ɣer taggara, Amaray Amtu n Usqamu deg yinaw-is yefka izen i yilmeẓyen n Lezzayer ideg iten-yessebɣes akken ad ttikkin deg usissen n usdusi n tmagit taɣelnawt s yidisan-is akken ma llan, ad rnun amezdi inemtti n uɣref azzayri.