Asekles n usuter n uttikki deg temzizzelt "Arraz n uselway n tegduda n tsekla d tutlayt tamaziɣt" di teẓrigt-is n useggas 2020, ad yemdel ass n 26 Duǧember 2020 ɣef uzgen n yiḍ.

Am wakken d-yella deg tanaḍt tiselwit yessuddesen arraz-a, yessebded usqamu unnig n timmuzɣa tasmilt n yimgallan ɛemren imusnawen yesɛan tinezmar deg tsekla, tasnilest d tɣarma tamaziɣt akked yigensasen n yeɣlifen yerza usmil n tmaziɣt. 

Tasmilt-a tga amahil d ameqran i teɣzi n kraḍ n wagguren i usenqed n yisenfaren d-yersen gar ifassen n yimaslaḍen-is ilmend n ufran n yimahilen ufriren send tifugla n tikci n warraz yettuɛgnen ad tili ass n 12 janvier 2021 (amenzu n yennayer 2971).