ALƔU

Deg ukatar n umcawer ɣef usenfar n useggem n tmendawt, Asqamu Unnig n Timmuzɣa yuzen iwellihen-is i d-yellan s ubrid n tira i tesqamut n yimazzagen yettukelfen sɣur Aselway n Tegduda akken ad d-ssufɣen aḍris yemtawan.

Asqamu Unnig n Timmuzɣa, yesterḥeb s tarrayt-a timttekkit ɣas ma yefka-d iwellihen-is deg wayen kan yerzan tigawt-is s tmuɣli ɣer uẓar n umezruy d tmetti i yezdin meṛṛa izzayriyen akked tdukli n Uɣlan umi tettak lǧehd tuggta yellan deg-s.

Asqamu Unnig n Timmuzɣa, yettwali areṣṣi n tmaziɣt di tmendawt anamek-is d tiririt n wazal i uzref ikecmen deg umezruy yerzan asekfel s tidet n tgemmi i aɣ-d-yessawalen ad nsenned ɣer umezruy-nneɣ aqbur, s zzux ara nerr azal i yineḍruyen n uzbu d unadi ɣef tlelli di tmurt n Lezzayer yellan seg zik d annar n umennuɣ ɣef tlelli.

Seg tama-nniḍen iwellihen n Usqamu Unnig n Timmuzɣa rzan aɛiwed n tbadut i wayen i d-yeskanayen attekki n tmurt-nneɣ i d-yettwabedren deg uḍris n tezwart (amezruy d trakalt), aya ad d-yili s uqader  n umenzay n tigda tamendawant i d-yemalen dakken Tamazaiɣt d tarkizt n Uɣlan ɣer tama n Tneslemt d tutlayt Taɛrabt. I useḥbiber ɣef umenzay-agi n tigda, yewwi-d ad d-tili tlalit s wudem amaynut n Usqamu Unnig n Timmuzɣa.

.

Di taggara, Ilmend n uḥraz n tsutwin i d-iteddun seg tfexxatin yerzan amennuɣ n tmagit, meḥyaf d tririt di ṭṭerf akked yinaw n karuh, ilmend daɣen n usebɛed n tutlayin tiɣelnawin ɣef umǧadel i d-yettilin gar wat tsertit, Asqamu Unnig n Timmuzɣa isuter areṣṣi n tmaziɣt di tmendawt s talɣa anda ur yezmir ḥed ad tt-yekkes ilmend n kra n useggem ara d-yilin deg yimal.