Asqamu Unnig n Timmuzɣa yesselɣay s tfakin n tezrawt taɣelnawt ɣef tɣuri s tmaziɣt

Iberreḥ-d Usqamu unnig n Timmuzɣa s tfakin n yiwet n tezrawt tussnant taɣelnawt iga Pr Moussa Imarazene ilmend n wahil n useggas-a n yirmad n tsudut. Tazrawt-a yewwin azwel «  Taɣuri s tutlayt n tmaziɣt » d anadi asmektan, yessestenen tukkist tamgensast n wazal n 5445 n yimettikiyen. Dayen i d-yeskanayen yiwet n tilawt tamaynut ɣef yimeɣriyen s tmaziɣt, tettbeyin-d tikli teddem tɣuri s tmaziɣt, s wumawen-is imettiyen idelsanen ass-a, d wamek i ddmen imeɣriyen imira taɣuri d tira s tmaziɣt.

Igmaḍ n tezrawt-a senɛten-d amur ameqqran n yimeɣriyen imazɣawalen (87% n wid i d-yerran i tsestent nnan-d d akken ssnen tutlayt tamaziɣt), am wakken d-ttwerrin igmaḍ-a tamlilt taxatart sɛan yilmeẓyen d tlawin deg usudder n tzemmar n tɣuri. Tasastent-a tettbeyin-d deg uḥric-nniḍen tixutert n wid yesɛan igerdasen isdawanen, imi azal n 80% n yimeɣriyen-a d wid igan tizrawin-nnsen deg tesdawit, rnu ɣer waya, idis nniḍen i d-tesbanay tezrawt-a, d tilin n yidlisen, addad ametti adamsan, d wazal n uselmed n tmaziɣt deg tsuduyin.

Deg wussan i d-iteddun , ad tili tezrawt-a tettunefk i yimnadiyen d yimediden s wudem n tsuffaɣt tuzzigt. Ad tili d amnir i uwelleh n tsertiyin tnagdudin yerzan asmil n tutlayt n tmaziɣt. Amahil-a I tikkelt nniḍen yettbeyyin-d abgas n usqamu unnig n timmuzɣa ilmend n usudder n tgemmi-ya tadelsant s wudmawen-is akken ma llan.