Tanzayt n wass-a n Larebɛa (Ahad) 15 duǧember 2021 deg tzeqqa n "furum tamaziɣt tura" Mass ASSAD Si El Hachemi, s yisem-is d amaray amatu n Usqamu Unnig n Timmuzɣa, akked Mass Abdelkader BENDAMECHE, anemhal amatu n Tnegga Tazzayrit n Uẓenẓer Adelsan, zemlen ɣef umtawa ilmed n leqdic ara yezdin snat n tsudwin.

 

Timlilit n uzmal ɣef umtawa i teḥder tɣamsa, tusa-d beddemma n uheggi n yiwen wahil n tigawt tadelsant ara d-yeḍrun deg useggas n 2022 deg waṭas n temnaḍin n tmurt.

 

Amtawa-ya gar snat n tsudwin i teɣzi n kraḍ iseggasen, yewwi-d ɣef waṭas n yirmad ara ssiddesent amedya n: 

 

 Asmil n usaru "asebsi d Uɛekkaz" n umessuffeɣ ameqran Ahmed Rechedi, d-yerra ɣer Tmaziɣt Samir Ait Belkacem, imi asenɛet-ines i tikkelt tamezwarut ad d-yili ass n 28 duǧember 2021, syin akkin ad d-yili usenɛet-ines deg temnaḍin yemxalafen n tmurt deg tefsut n useggas 2022.

 

Asfugel aɣelnaw unṣib n yennayer akked tmeɣra n tikci n warraz n uselway n tigduda n tsekla d tutlayt tamaziɣt, ara d-yili deg Tmenɣast gar 09 d 12 yennayer 2022.

 

Imalas n tutlayt n Tefriqt di Lezzayer tamanaɣt gar 24 d 31 yennayer 2022.

 

Asfugel n wass agraɣlan n tutlayt n tyemmatt ass n 21 furar 2022 di Igli, lwilaya n Beni-Abbes.

 

Tannant n usileɣ deg tira n wungalen d tullisin is n yimeskraen ilmeẓyen, aya deg tallit n uneḍru n Tamesrit tagraɣlant n udlis di Lezzayer deg aggur n meɣres 2022.

 

Asuddes n Umugar aɣelnaw n udlis amaziɣ di Bgayet deg aggur n Ctember 2022.

Timlilit tagraɣlant tameqrant ɣef " isekfal isenzikiyen n Ɛin-Bucriṭ d Ɛin-Ḥnec, timenza n tɣerma talwit di Tefriqt" ara d-yilin deg wammas agraɣlan n yisaragen "Ɛebdellaṭif Raḥal" akked temdint n Ṣṭif gar 20 d 22 wember 2022.