Ad d-yessuddes usqamu unnig n timmuzɣa, s tallalt n teɣlift n usegmi aɣelnaw, timlilit n usileɣ i tnafa n yimaswaḍen n tutlayt tamaziɣt, aya seg 05 ɣer 08 deg tuber 2025 ara d-yilin deg wammmas aɣelnaw n usileɣ n yikataren n usegmi “Lwurud walbanafsaj” deg ugezdu n Blida. Timlilit-a ad timɣur s tihawt n Mass aneɣlaf n usegmi aɣelnaw, amaray n usqamu unnig n timmuzɣa, ar yiri n yiduba idiganen d yigensasen n tuddsiwin tiɣelnawin, ilmend n tdinamikt taɣelnawt ara d-yesneɛten tanaya i iga uwanek i usmel n tmaziɣt d usekrazal n tzemmar n yikataren ibidaɣujiyen.

Timlilit-a n usileɣ ad temwata d wass amadlan n uselmad, d wayen i yerfed n yinumak deg temlilt n umsegmi deg tmetti, akken ad yessegzi tixuṭert n usileɣ n yimaswaḍen deg tikli n yiselmaden d usijhed n yiswi-nsen imsegmi. Akken daɣ i yettuneḥsab uneḍruy-a d tagnit deg ustan n tegnatin timsadurin d tsegmanin i ilaqen i uselmad n tutlayt n tmaziɣt, mbeɛd kra n talliyin n leḥris i ddren deg wakuden yezrin, annect-a s tikci i yimaswaḍen allalen ibidaɣujiyen atraren i asen-yessurfen akken ad silɣen s timmad-nsen iselmaden d tallelt-nsen s tarrayt i iwatan.

Ahil-a d agemmuḍ n tesleḍt talqayant n wasrayen n tesweḍt, akken i yettuneḥsab d tiririt yelhan i yicqirriwen i d-ttḥettimen yilkaten isegmanen d ubaɣur n wattalen idiganen, ayen ara yessiwḍen ɣer usdukkel n yisemras d usekrazal n tirmitin i iwatan.

Timlilit-a teffel akkin i twuri n usileɣ, imi d-yeskanay lebɣi n uwanek deg ureṣṣin tutlayt n tmaziɣt d usijhed n tilin-ines deg tuddsa tasegmant, imi tettuneḥsab d aferdis anaṣli n tmagit taɣelnawt d uḍman n tmezgit-ines deg tsutwin. S tallalt-a i ijehden gar usqamu unnig n timmuzɣa akked teɣlift n usegmi, lebɣi d asbeddi n unsay n umahil imezdi ara ireṣṣin ɣef tegrez, ayen ara yessiwḍen ɣer ugerrez uẓayer n uselmad ladɣa d yilkiten insegmanen, ayen ara yesjehden tihawt n tmaziɣt deg uɣerbaz azzayri.