Aneɣlaf n Teywalt, Mass Mohamed BOUSLIMANI yemmuger ass-a n letnayen 12 Ctember 2022 Amaray Amatu n Usqamu Unnig n Timmuzɣa Mass Si EL Hachemi ASSAD.

Timlilit-a ideg ḥedren imasayen n snat n tsudwin, tella d tagnit n umciwer ɣef usdusi n wassaɣen n umyallel gar-asent. Aṭas n temsal i yettwaskasin deg temlilit-a, ladɣa tid yerzan asmil n tmaziɣt deg unagraw aɣelnaw n teywalt, d yisuḍaf umaynuten ɣef teywalt, iwakken ad ddun d tmendawt.

Tagnit tella daɣen i uskasi n usummer n Usqamu Unnig n Timmuẓqa I usebdded n yiwen uɣmis umḍin s tmaziɣt.

Ilmend n temlilit-a, imasayen n snat n tsudwin beggenen-d tumert-nsen ɣef wayen xeddment termisin tinagdudin n teywalt, am Tilibizyu taɣelnawt, Rradyu taɣelnawt, Tanegga n tɣamsa d wammas agraɣlan n tɣamsa d tnagga taɣelnawt n teẓrigt d udellel. Imettikkiyen deg temlilit-a uɣalen-d daɣen ɣef kra n temsal yerzan amerkid d telɣa n ufaris deg yeḥricen teywalt, deg lebɣi n uwenneɛ d ugerrez n wayen ixuṣṣen deg taɣult-a.