ilmend n wass agreɣlan n uselmad, amaray amatu n Usqamu Unnig n Timmuzɣa mass Si El Hachemi Assad, akked mass Mohammed Seghir Sadaoui, aneɣlaf n usegmi aɣelnaw, ad ẓunẓun timlilit n usileɣ i lfayda n yimaswaḍen n tutlayt n tmaziɣt, deg usudu aɣelnaw n usileɣ n yikataren n usegmi aɣelnaw di lwilaya n Blida.

Aya s tilin n mass Ibrahim Ouchene, lwali n lwilaya n blida, massa tamgensast n tselwit n tegduda, amgensas n uneɣlaf amezwaru, iɛeggalen n Usqamu n Waɣlan d Usqamu Aɣerfan Aɣelnaw, iɛeggalen n Umni, mass imḍebber n Usqamu Aɣerfan n lwilaya d yiɛeggalen tɣellist akked teɣdemt n lwilaya n Blida, mass imḍebber n tdukli Iqraa, iɛeggalen n twacult n usegmi, d yicriken inmettiyen n usegmi.

Timlilit-a, seg 05 ɣer 08 tuber 2025, ara d-yilin ilmend n usnerni n tzemmar n yikataren-a n usegmi, akked d uḍman n usileɣ amaɣlal i lfayda n yimaswaḍen d yiselmaden, aya iwakken ad ssiwḍen timussniwin-nsen ladɣa deg taɣult n uselmed n tutlayt n tmaziɣt, acku d yiwen n uferdis lqayen n tmagit taɣelnawt.