Tanezayt n wass-a n Larebɛa27 di meɣres 2024, Amaray amatu n Usqamu unnig n Timmuzɣa yemlal iɛeggalen n Tiddukla Itri Adelsan n Uqbu, akked Uselway n tɣiwant n Uqbu.

Di tazwara, Amaray amatu yules-d i yinebgawen-is tirmit n usqamu deg usuddes n yirmad idelsanen yerzan asmil n tmaziɣt, ladɣa irmad ixeddem akked tdukkliwin di temnaḍin n tmurt merra, imi d leqdic yettakken afud i usnerni n tmaziɣt s tantaliwin-is akken ma llant.

Timlilit-a tella d tagnit i umeslay ɣef wahil d tigawin izemren ad zdin sin yidisan, Tiddukla n yitri adelsann akked usqamu, ihi  mtawan akken:

Ad yefk Usqamu Unnig n Timmuzɣa tallelt d wafud i usuddes n teẓrigt tis 15 n tfaska n tmedyezt tamaziɣt, ara yuɣalen d taɣelnawt s uttikki n yimedyazen yessefrayen s tantaliwin n tmaziɣt merra.

Ad d-tili teẓrigt tamaynut n tfaska ussan n 03, 04 d 05 yulyu 2024,  ilmend n tfugliwin n timunent d yilemẓyen, s tallelt n tsduwin d yeɣlifen nniḍen,

Ad tili temsizzelt s lmenddad n tesqamut n ufran ara yettawsbeden deg ussan d-iteddun.

Ɣef waya, mtawan sin yidisan ad sbedden agraw imezdi n usuddes deg Tɣiwant n Uqbu deg ussan-a.