S ddaw leɛnaya n uneɣlaf n taywalt, mass Mohamed Bouslimani, s tilin n mass anesɣamu n uselway n tegduda yettukelfen s usegmi d uselmed akked yidles, d mass Rouaski Khaled, anemhal n tesdawit n lezzayer 03, ad iheggi umaray amatu n usqamu unnig n timmuzɣa, mass Si El Hachemi Assad, yiwen usarag n tulya deg ugezdu n tɣamsa d taywalt s tmaziɣt _ tasdawit n lezzayer 03, aya ilmend tulya tunṣibt n umecwaṛ imezdi n turagt-master akked unekcum asdawan 2026-2027.