Asqamu unnig n timmuzɣa s uɣud d usqamu aɣerfan aɣelnaw, ad d-yessudes irmad n wass agraɣlan n tutlayt tayemmat akked yimalas n tutlayin tifriqin ussan n 23 akked 24 furar 2025 deg ugezdu n Tizi-Wezzu, s usnas n yimadwan n Lezzayer mgal UNESCO akked tkadimit tafriqt n tutlayin. Aneḍruy-a yesɛa iswi n usbeyyen n temlilt n Lezzayer deg usnerni n tagtutlayt d usijhed n tgemmi tasnilsant tadelsant taɣelnawit d tefriqit. Ahil deg-s isaragen ussnanen yegren assaɣ gar tutlayt tayemmat d tmagit tadelsant akked usissen n waṭlas n tutlayt tamaziɣt deg Lezzayer, i d-yeskanayen tallunt tameqrant tamazrayt n tutlayt-a s yisufar-is yemgaraden.

Akken daɣ ara d-yeddun deg unḍruy-a waṭas n yirmad ussnanen d yidelsanen ladɣa yiwet n tirza ɣer wammas asniman d usegmi n Buxalfa ideg ara ttuzerwent tarrayin n uselmed s tutlayt tayemmat, ladɣa i yimdanen yellan deg tegnit tameɛḍurt. Timliliyin n uskasi ɣef uzerrer n tutlayin tifriqiyin deg Lezzayer ad ttwasuddsent s tikkin n yimuzzag d yisdawanen, ɣer yiri ad ilint timeskaniyin  timsedmirin           ara igen azal i ubuɣer asnilsan adelsan afriqi.

Tuffɣa tadelsant ad tili i demma ɣer taddart n Yiḥesnawen i d-yufraren s warraz n taddart yugaren tezdeg deg ugezdu n Tizi-Wezzu, ayen ara d-yesbeynen timqar tidelsanin d usnefli n yiwunaḍ idiganen

I uzdam n wahil ttikki sya