Taṣebḥit n wass-a, 31 duǧamber 2025, Mass Si El Hachemi Assad, amaray amatu n Usqamu Unnig n Timmuzɣa, yella-d ɣef lmendad n temlilit taɣamasant, d-yellan deg usɣim n tikiẓri tazayezt n lezzayer, aya s tilin n yiεeggalen n tɣamsiwin yemxallafen m. Anda i d-yefka ahil yerzan asfugel aɣelnaw unṣib n umenzu n yennayer 2026-2976, ara d-yilin di lwilaya n Beni Abbes, akked tikci n warraz n Uselway n Tegduda i tsekla d tutlayt tamaziɣt, rnu ɣer-s ameslay ɣef yisenfaṛen n Usqamu deg useggas-a n 2026.