Tifugliwin tunṣibin n yennayer 2971 di Tbatent.

 

S usumer n Usqamu Unnig n Timmuzɣa, Agezdu Tbatent yesdari tifugliwin tunṣibin n “umenzu n yennayer”  ixef n useggas amaziɣ amaynut 2971, ara d-yilin seg 9 ɣer 13 yennayer 2021.

Tifugliwin nyennayer ad bdunt deg tɣiwanin n Menɛa d Buzrina, syin akin ad aɣent akal n ugezdu n Tbatent d yigezda nniḍen n tmurt.

ilmend n waya, iga umaray amatu n Usqamu Unnig n Timmuzɣa yiwet n Tirza n umahil d usefqed ɣer Tbatent, ass n  02 Deujember 2020, ibedd din ɣef umecwar uɣur yessaweḍ usmatu n tmaziɣt deg ugezdu-ya.

ass n wahad (Larebɛa) ihi yemlal Mass Si El Hachemi Assad akked uwali n ugezdu n Tbatent Mass Toufik Mezhoud. d timlilit ideg tekkin inemhalen n usedwel d yidles akked Unemhal n Tesdawit Hadj Lakhdhar 1, wwin deg-s awal ɣef wayen yettwaxedmen i tmaziɣt deg Tbatent d uheyyi n tfugliwin.

tameddit n wass, yemlal umaray amatu n usqamu Unnig n Timmuzɣa akked yineɣmasen deg usarag aɣamsan iga, yessasen-d deg-s ahil d-yessumer ilmend n usfugel n Yennayer am akken d-yerra ɣef tuttriwin n yineɣmasen yerzan asmal n tmaziɣt.

ɣef way dɣa, yettwasres deg ahil i wass n wamhad ( lexmis) 03 degember 2020 yiwet n tirza ɣer tɣiwanin n Menɛa n Buzrina i usefqed n yidgan ideg ara d-ilint tfugliwin tunṣibin n yennayer 2971.