Tipaza di 11 yennayer 2020

Deg wahil n tfaskiwin tunṣibin tiɣalnawin s yixef n
useggas amaziɣ 2970, id yettuheggan sɣur aseqqamu unnig
n timmuzɣa s umtawa d twilayt n Tipaza, ɣer tagara n
yiqeddicen n temlilit tussnant id yellan di tzeqqa n yisaragen
n twilayt n Tipaza ass n 11 yennayer 2020 yersen ɣef
usentel  « yennayer,azamul n timagit id yuɣalen d lewhi n
umezruy, yessefk ad as-nerr azal », mtawan imtekkiyen
ɣef yiwellihen-agi :
-1- Aḥiwet iwakken asfugel n yennayer ar yimal ad
yettili s ubeggen n wazalen n tmetti am umɛiwen d tudert
lwaḥid di talwit .rnu n ɣer-s tuɣalin ɣer umezruy d yidlesi aɣ
yezdin d talsa s umata war ma nessenqes deg yeḥricen n
tfaskiwin d iderzan.
2- Yessefk fell-aneɣ useɣti nn tucdiwin n umezruy
yesɛan assaɣ gar-imaziɣen akked maṣar d i talliyin tiqburin
abaɛda tid icudden ɣer tallit ideg cacnaq yuli ɣef uqerruy n
twacult taferɛunit tis waremt d sin.

-3- Aḥares n uɣlif n uselmed unnig d unadi ussnan
ilmend n useggem n yisuḍaf imwelhen n unadi ussnan d
usnefli atiknuluǧi yellan di zmamat alama d 2020 ,i ureṣṣi n
tsertit n unadi ussnan ara igen i tgemmi aḥric d wazal
meqqren ara isǧehden imenzayen n tmagit taɣelnawt s
kraḍet n tsektiwin-is.
-4- Asuter deg UNESCO ad terr asfugel n yennayer d
« tgemmi n talsa »akken ttwaxdamen lecɣal di taɣult-a.
-5- Yessefk ɣef yal acrik ad yefk afus n tallelt i
tseqqamut n twilayt n Tipaza id yelhan d usesmel n yimuren
idelsanen yerzan sin leṣnaf n tangawit d tarengawit n tgemmi
n twilayt Ddaynen d usiɣi-ines ɣef tamiwin n tmurt.