ɣer taggara n temlilit tasendwalt tamezwarut  yimaswaḍen n tmaziɣt i d-yessuddes Usqamu Unnig n Timmuzɣa s tallelt n Uɣlif n usedwel aɣelnaw deg wammas n wurraren ussnanen ussan n 16 d 17 yebrir 2024, s lmenddad n Mass Doumi Djilali, lwali n Tizi wezzu, ilmend n tirza tunṣibt n umahil yexdem Mass Assad Si El Hachemi ɣer Lwilaya-ya, Imettikkiyen ddmen iwellihen-a:

Asrusu s tɣawla n uɣawas aɣelnaw n usmatu n uselmed n tmaziɣt s tantaliwin-is yemxallafen, amek ara yeddu d yemgaraden n tmendawt, s uḍfar n tarrayin ara yeqadren ayen uḥwaɣen ibalmudenakken ma llan (imazɣawalen d ur imazɣawalen) ;

Aheggi n tecrawt yemmeden ɣef umecwar n usidef n uselmed n tmaziɣt deg yinagrawen n usedwel d uselmed unnig, ilmend n umulli wis 30 n uslali n Usqamu Unnig n Timmuzɣa ;

Asuddes yal aseggas n temliliyin isendwalen i lfayda n yimaswaḍen d yiselmaden imsulaɣ,

Aslali n yiwen n ugraw n unadi ɣef tmukrist n uselmed n tantaliwin n tmaziɣt, deg yiswi n uheggi n tdidaktikt n umyegzi d umyagger ;

agraw-a ad yesɛu iswi di tazwara aheggi n wallalen isendwalen ara yessfken asmil n tantaliwin-a n tmaziɣt ilmend n umyagger-nsent ;

Asuddes n usileɣ i wid d-yelhan s uheggi n wahilen deg taɣult n tdidaktikt n umyegzi ilmend n uwenneɛ n wahilen imɣurbizen n tmaziɣt.